თბილისის საქალაქო სასამართლომ 24 წლის მურად წურწუმიას მკვლელობის ბრალდებით დაკავებულ პირს წინასწარი პატიმრობა შეეფარდა.
დაკავებული პირი წაყენებულ ბრალს აღიარებს. მას პროკურატურა 3 მუხლით ედავება. მათგან ყველაზე მძიმე, სხეულის განზრახ მძიმე დაზიანებაა, რამაც სიცოცხლის მოსპობა გამოიწვია. დანაშაული თავისუფლების 4-დან 7 წლამდე აღკვეთას ითვალისწინებს.
ზურაბ ფოფხაძე, შინაგან საქმეთა სამინისტროს სპეცრაზმელია.
მისი უფლებადამცველი მევლუდ ჯანჯღავა ამბობს, რომ კონფლიქტში თანმხლები პირი არ მონაწილეობდა და მისი დაცვის ქვეშ მყოფი, არც წამების ფაქტს ადასტურებს.
მისი თქმით, ბიჭებს მანქანის გადაცება უნდოდათ და ეს ეს იყო ჩხუბი, რომ დაებრუნებინა თავისი ავტომობილი.
შეგახსენებთ, რომ მურად წურწუმია ძმასთან ერთად 2 იანვარს ვარკეთილის სასაფლაოზე იმყოფებოდა, რა დროსაც მათ შელაპარაკება მოუვიდათ ორ სპეცრაზმელთან. 24 წლის ბიჭი უგონო მდგომარეობაში სასაფლაოსგან მოშორებით, ქუჩაში იპოვეს, კლინიკაში გადაიყვანეს, თუმცა მისი გადარჩენა ვერ მოხერხდა. მომხდარის ერთადერთი თვითმხილველი გარდაცვლილის ძმა, 21 წლის მუხრან წურწუმიაა.