მსოფლიოს უხუცესი მარტორქა ფაუსტა 57 წლის ასაკში ტანზანიაში მოკვდა. იტყობინება BBC.
აღმოსავლური მდედრი შავი მარტორქა ფაუსტა, 1965 წელს აღმოაჩინეს ნგორონგოროს კრატერში, როდესაც ის 3 წლის იყო.
54 წლის განმავლობაში, ფაუსტა თავისუფლად გადაადგილდებოდა ველურ ბუნებაში, თუმცა ბოლო წლებში, ჯანმრთელობასთან დაკავშირებული პრობლემების გამო სპეციალისტების მეთვალყურეობის ქვეშ იმყოფებოდა.
ველურ პირობებში მარტორქები ჩვეულებრივ 37-43 წელი ცხოვრობენ.
აღმოსავლური მარტორქები გადაშენების კრიტიკულ პირას მყოფ სახეობათა ნუსხაშია შესული.
2011 წელს შავი მარტორქის ერთ-ერთი ქვესახეობა, დასავლური შავი მარტორქა გადაშენებულად გამოცხადდა.
