არხებით, ისტორიული არქიტექტურითა და ხელოვნების ტრფიალით სახელგანთქმულ, მილიონობით მოგზაურის საყვარელ ვენეციას, ბოლო ერთი კვირის განმავლობაში თავს დამტყდარმა სამმა წყალდიდობამ, მასშტაბური დაზიანებები მიაყენა.
კვირას, შუადღისას, წყლის დონის მომატების კიდევ ერთი რეკორდული მაჩვენებელი დაფიქსირდა, შეადგინა რა 150 სანტიმეტრი.
წყლის დონის მომატების გამო, ქალაქის ხელისუფლება იძულებული გახდა, დროებით დაეხურა სან მარკოს მოედანი, წმინდა მარკოზის ტაძრის მიმდებარე ტერიტორია.
ვენეციის მერის, ლუიჯი ბრუნარიოს თქმით, „წყალდიდობამ ქალაქი მუხლებზე დასცა“.
მისივე განცხადებით, ზარალის დამთვლელი სპეციალური კომისიის მონაცემებით, წყალდიდობის შედეგად მიყენებულმა ზარალმა, ჯერ კიდევ რამდენიმე 15 ნოემბრის მდგომარეობით, 1 მლრდ ევრო შეადგინა.
სამშაბათს ვენეციაში წყლის დონემ რეკორდულად მაღალ ნიშნულს, 187 სანტიმეტრს მიაღწია.
ბოლოს ყველზე მაღალი ნიშნული 1966 წელს დაფიქსირდა, როდესაც წყლის დონემ 194 სანტიმეტრს მიაღწია.
იტალიის ხელისუფლება ყურადღებით აკვირდება ქვეყნის უდიდესი მდინარის პოსა და არნოს წყლის დონეებს, რაც ძლიერი წვიმის გამო შესაძლოა გაიზარდოს და დააზარალოს იტალიის სხვა რეგიონები.