თარიღი    დრო

თელავის საფეხბურთო სკოლას ფეხბურთის ფედერაციის ხელმძღვანელები ეწვევიან

საქართველო, თბილისი - 08:00 01.22.2010 1573
22 იანვარს, 14:00 საათზე, საქართველოს ფეხბურთის ფედერაციის პრეზიდენტი ზვიად სიჭინავა და გენერალური მდივანი რევაზ არველაძე თელავის საფეხბურთო სკოლას ეწვევიან. სფფ-ის ხელმძღვანელობა თელავის საფეხბურთო სკოლას უახლეს, უმაღლესი ხარისხის, ევროპული დონის საფეხბურთო ინვენტარს გადასცემს. 

სპორტის დეპარტამენტის პრესსამსახურის ინფორმაციით, სასაჩუქრე კომპლექტში სხვადასხვა ზომის ბარიერები, დაფები, "ფიშკები", "საფეხბურთო კიბეები", "მედიცინ-ბოლები", მოედნის დასახაზი აპარატები, "მოძრავი კედლები" და ბურთები შედის.

თელავის საფეხბურთო სკოლას 25-წლიანი ისტორია აქვს; მასში 200-მდე ბავშვი ვარჯიშობს, რომელთა ასაკი 7 წლიდან 18 წლამდე მერყეობს.

უკანასკნელი 20 წლის განმავლობაში სკოლამ მხოლოდ ერთხელ, 2002 წელს, Fუნ Fოოტბალლ-ის პროგრამის ეგიდით მიიღო საფეხბურთო ინვენტარის მცირე ნაწილი. საქართველოს ფეხბურთის ფედერაციის მიერ გამოყოფილი საფეხბურთო ინვენტარი უპრეცენდენტო დახმარებაა თელავის საფეხბურთო სკოლისთვის.
თელავის საფეხბურთო სკოლას სფფ-ის ხელმძღვანელობასთან ერთად რაიონული მუნიციპალიტეტის გამგებელი ვასილ დავითაშვილი და კახეთის ფეხბურთის რეგიონალური ფედერაციის პრეზიდენტი გოჩა როსტომაშვილიც ეწვევიან.




konfliqtebi

ყველა სიახლის ნახვა...

sazogadoeba

ყველა სიახლის ნახვა...

komentari

ყველა სიახლის ნახვა...

dRis siaxleebi

ყველა სიახლის ნახვა

სარეკლამო ბანერი (250px)


arqivi


ბოლო სამი წლის განმავლობაში თქვენი პირადი შემოსავლები
გაიზარდა 84.9%
შემცირდა 12.1%
არ შეცვლილა 3%