კომპანია "თელიანი ველი" ქართული მეღვინეობის შესახებ სემინარს, სახელწოდებით"საქართველო ღვინის სამშობლო" მართავს. ორდღიანი სემინარი დღეს გაიხსნა და მასში თბილისის მოწინავე უნივერსიტეტების სტუდენტებმა მიიღეს მონაწილეობა. სემინარი "თელიანი ველის" ერთ-ერთი მიმართულების - "საქართველო ღვინის სამშობლოს" ფარგლებში ტარდება. როგორც "თელიანი ველში" აცხადებენ, ეს პროექტი ემსახურება ქართველ ახალგაზრდებში ღვინის პოპულარიზაციას და ქართული ღვინის კულტურის შემეცნებას.
სემინარზე სტუდენტები გაეცნენ ქართული მეღვინეობის ისტორიას, ღვინის კლასიფიკაციას და ღვინის დეგუსტაციის წესებს.
სტუდენტებს, რომლებიც დაესწრნენ სემინარს და მოისმინეს ლექცია, გადაეცათ სპეციალური სერთიფიკატები "თელიანი ველისგან".
სემინარის დროს "თელიანი ველმა" გადაიღო ვიდეო კლიპი, რომელიც გამოყენებული იქნება საქართველოში ქართული ღვინის პოპულარიზაციისათვის. სემინარი ხვალ, 12 აპრილს დაიხურება.
