აგრობიზნესის დაფინანსების საკითხებს კონფერენცია მიეძღვნება. საერთაშორისო საფინანსო კორპორაციის (IFC), ინფორმაციით, დღეს, 22 მარტს, 10:00 საათზე, სასტუმრო "ქორთიარდ მარიოტში" აგრობიზნესის დაფინანსების საკითხებზე კონფერენცია ჩატარდება.
კონფერენციას გახსნიან საქართველოს სოფლის მეურნეობის მინისტრი ბაკურ კვეზერელი და IFC-ის წარმოების, აგრობიზნესისა და მომსახურების დეპარტამენტის დირექტორი ევროპის, ახლო აღმოსავლეთისა და ჩრდილოეთ აფრიკის რეგიონში გი ელენა.
კონფერენციაზე საქართველოს მთავრობის და კერძო სექტორის წარმომადგენლები განიხილავენ აგრო სექტორის განვითარების პერსპექტივებს და გაეცნობიან IFC-ის საერთაშორისო გამოცდილებას აგრობიზნესის სფეროში.