აჭარის 2010 წლის ნაერთი ბიუჯეტი 4,5 %-იანი გადაჭარბებით შესრულდა. აჭარის ფინანსთა და ეკონომიკის სამინისტროს ინფორმაციით, აჭარის ბიუჯეტის 12 თვის გეგმა 133 მლნ. 440 ათას 400 ლარით იყო განსაზღვრული, თუმცა წლის ბოლოს ბიუჯეტის შემოსულობებმა 139 მლნ. 412 ათას 800 ლარი შეადგინა.
სამინისტროს ინფორმაციით, გადასახადების მუხლის კუთხით ბიუჯეტი 104,8 %-ითაა შესრულებული, ხოლო სხვა შემოსავლების მუხლით, ბიუჯეტის შესრულებამ 117,2 %-ი შეადგინა. სამაგიეროდ გარღვევაა დაფიქსირებული, აჭარის 2010 წლის ბიუჯეტის, არაფინანსური აქტივების მუხლში, სადაც გეგმა მხოლოდ 97,2 %-ითაა შესრულებული.
აჭარის ავტონომიური რესპუბლიკის მუნიციპალური ერთეულებიდან, ბიუჯეტი დიდი გადაჭარბებით მხოლოდ ქობულეთის მუნიციპალიტეტმა შეასრულა.
აჭარის ფინანსთა და ეკონომიკის სამინისტროს ინფორმაციით, ქობულეთის ბიუჯეტი 145 %-ით, შუახევის ბიუჯეტი 131,6 %-ით, ქედას ბიუჯეტი 113,4 %-ით, ხულოს ბიუჯეტი 113,3 %-ით, ხელვაჩაურის ბიუჯეტი 127,7 %-ით, ხოლო 2010 წლის განმავლობაში ქალაქ ბათუმის ბიუჯეტი 108,6 %-ითაა შესრულებული.