საახალწლოდ კომპანია "თელიანმა ველმა" მომხმარებელეს ღვინოების ახალი ქართულ ფრანგული კოლექცია "მოსსანო" შესთავაზა. კოლექციის გამოშვება თელიანი ველის ახალი ფრანგი მეღვინის მარკ დვორკინის ინიციატივით მოხდა.
თელიანი ველის გენერალური დირექტორის შოთა ხობელიას განმარტებით ღვინოები არის სუპერპრემიალური ხარჯის და ჩამოისხმება ლიმიტირებული რაოდენობით.
"ღვინო აის სპერ პრემიალური და არის ჩამოსხმული ლიმიტირებული რაოდენობა, რადგან ის მზადდება ხელით და ამ მეთოდით ღვინის დაყენება საკმაოდ რთულია. მოსსანოს ღვინოების ფასი 30 ლარიდან ზემოთ იქნება. მოსსანოს სერიაში არის 5 დასახელების ღვინო და სააღდგომოდ მომხმარებელს დამატებით შEვთავაზებთ "მოსსანო თელიანი ველი"-ს ღვინოს", - განაცხადა ხობელიამ.
მისივე განმარტებით, წლის განმავლობაში თითოეული დასახელების ღვინო ლიმიტირებულად 10 ათასიდან 15 ათას ბოთლამდე ჩამოსხმება და ის გათვლილია ძირითადად ადგილობირვი ბაზრისთვის.
"ადგილობრივ ბაზრის გარდა ღვინო განკუთვნილია საექსპორტოდაც, თუმცა იმ ქვეყნებისათვის სადაც მოსახლეობის მყიდველთუნარიანობა მაღალია. ანუ მოსსანოს ღვინოები განკუთვნილია დასავლეთ ევროპის ქვეყნებისათვის და არა ყოფილი საბჭოთა კავშირის და აღმოსავლეთ ევროპის ქვეყნებისათვის" - განაცხადა შოთა ხობელიამ.
თელიანი ველის გენერალური დირექტორი აცხადებს, რომ მოსსანოს სერიის ღვინოების ჩამოსხმა კომპანიის იმიჯისათვის მნიშვნელოვანი ფაქტი იყო რადგან ამით კომპანია შეეცადა "გვეწარმოებინა სუპერპრემიალური ღვინო ისევე როგორც ევროპის ქვეყნებში იწარმოება".
"მოსსანო" საქართველოში 9 წელიწადს მოღვაწეობდა. მან პირველად შემოიღო საქართველოში ადგილობრივი ჯიშის ყურძნებისგან ევროპული ტიპის ღვინის დაყენება. მისი ინიციატივით საქართველოში ჩამოიტანეს და გააშენეს სხვადასხვა ფრანგული ყურძნის ჯიშები. უცხო ჯიშებიდან განსაკუთრებით თელიანის ველზე გაშენებულმა კაბერნე-სოვინიონმა ივარგა, რომლისგანაც საიმპერატორო ღვინო "თელიანი" დაამზადეს.
"მოსსანოს" კოლექციის ღვინოების დამზადებისას გამოიყენება საქართველოში მოყვანილი ქართული და ფრანგული ჯიშის ყურძნები, რომელთაც სათუთად კრეფენ და შემდეგ ხელით არჩევენ. ღვინის გადაღებები ხდება გრავიტაციით ტუმბოების გარეშე, თვითდინებით. ასეთ დროს ღვინო ნაკლებად წუხდება, რაც ხელს უწყობს ჯიშისთვის დამახასიათებელი თავდაპირველი გემოებისა და არომატების შენარჩუნებას.
ამ ეტაპზე "მოსსანოს" კოლექციაში 5 ღვინოა გაერთინებული: კაბერნე-საფერავი; საფერავი როზე; შარდონე-რქაწითელი; სოვინიონ ბლანი; სოვინიონ-მწვანე. კოლექციის მთავარ ბრენდს - "მოსსანოს თელიანს" - კომპანია გაზაფხულზე შესთავაზებს მომხმარებელს.
ახალი სერიის გამოსვლასთან დაკავშირებით "თელიანი ველმა" გამოაცხადა კონკურსი "მოსსანოს" პოსტერის დიზაინზე. მერლ ანტუან მოსსანომ თავისი საქმიანობით უამრავი სიახლე დანერგა საქართველოში და ქართული ღვინის წარმოების განვითარებაშიც დიდი წვლილი შეიტანა. "თელიანი ველი" აგრძელებს ამ ტრადიციას და გეგმავს "მოსსანოს" კოლექცით საქართველოში სხვადასხვა დარგის განვითარების ხელშეწყობას. პირველი ნაბიჯები ამ საქმეში "მოსსანოს" პოსტერის კონკურსია, ევროპაში კარგად განვითარებული ხელოვნების ეს დარგი საქართველოში მხოლოდ ახლა იდგამს ფეხს.
