დღეს, სპორტისა და ახალგაზრდობის საქმეთა მინისტრი ლადო ვარძელაშვილი უმაღლესი სასწავლებლების თვითმმართველობის პრეზიდენტებს შეხვდება. შეხვედრა სპორტისა და ახალგაზრდობის საქმეთა სამინისტროში გაიმართება.
შეხვედრის თემა უმაღლესს სასწავლებლებს შორის უნივერსიადების დაგეგმვა და ამ პროცესში სამინისტროს მონაწილეობის საკითხი იქნება.
ასევე, განიხილება „მხიარულთა და საზრიანთა კლუბის" ეროვნული ფედერაციის შექმნის ინიციატივაც.
როგორც სპორტისა და ახალგაზრდობის საქმეთა სამინისტროში აცხადებენ, სამინისტრო ეროვნულ ფედერაციას მხარს დაუჭერს და დააფინანსებს.
ფედერაციის მიერ ორგანიზებულ ღონისძიებებში უმაღლესი სასწავლებლების ჩართვა აუცილებელი იქნება.
