აჭარის სოფლის მეურნეობის სამინისტრო ამერიკული თეთრი პეპელას გავრცელების საწინააღმდეგო ღონისძიებას აგრძელებს. ამერიკული ნეკერჩხლისა და ჭადრის ხეების გადაბელვით სამუშაოს ხელვაჩაურის მუნიციპალიტეტში შპს "მაჯა" ასრულებს. მცენარეები, რომლებიც მავნე მწერის გავრცელების კერაა, 3-4 მეტრის სიმაღლეზე გადაიბელა.
დღევანდელი მდგომარეობით, ხელვაჩაურის მუნიციპალიტეტში სულ გადასაბელია 246 ძირი ნეკერჩხალი და ჭადარი.
ამჟამად პრევენციული ღონისძიებები ხელვაჩაურის გარდა ბათუმსა და ქობულეთშიც მიმდინარებს. ქ. ბათუმში, ხელვაჩაურისა და ქობულეთის მუნიციპალიტეტებში სულ 600-ზე მეტი ხე არის გადასაბელი. მსგავსი ღონისძიებები ყოველი წლის გაზაფხულსა და შემოდგომაზე ტარდება.