გადასახადის ზედა ზღვარის გაზრდა რეფერენდუმის საშუალებით მოხდება.
აღნიშნულ საკითხზე პარლამენტის იურიდიული კომიტეტის სხდომაზე, საქართველოს კონსტიტუციაში დამატებების შეტანის თაობაზე კანონპროექტის განხილვისას, ისაუბრეს.
პროექტი იურიდიული კომიტეტის სხდომაზე მეორე მოსმენით განიხილეს.
აღნიშნული პროექტის მიხედვით კონსტიტუციის 94-ე მუხლში ცვლილებები შევა, რომელიც სახელმწიფო გადასახადის ზედა ზღვარის გაზრდას უკავშირდება.
როგორც პარლამენტის იურიდიული კომიტეტის თავმჯდომარის მოადგილე ლაშა თორდია განმარტავს, იმ შემთხვევაში, თუ ხელისუფლება გადაწყვეტს სახელმწიფო გადასახადის ზედა ზღვარი გაზარდოს, მას მოუწევს თავისი გადაწყვეტილების დასაბუთება, რის შემდეგაც უკვე რეფერენდუმზე გავა.