რუსული ხომალდი Seagrand-ი და მისი კაპიტანი ზიანის ანაზღაურებამდე შესაძლოა დააპატიმრონ თუ დადასტურდა, რომ ის მთვრალი იყო, როდესაც გემი სამხრეთ კორეის ქალაქ პუსანში ხიდს დაეჯახა.
სამხრეთ კორეული მედიის ინფორმაციით, სატვირთო ხომალდი Seagrand-ი პუსანის პორტში ცხვირით ხიდს დაეჯახა.
დაჯახების შედეგად დაზიანდა გემი, ხიდზე კი ხუთმეტრიანი ღრმული გაჩნდა. მომხდარის შედეგად დაშავებულები არ არიან.
სააგენტო „რენხაპის“ ინფორმაციით, ხომალდის კაპიტანი ალკოჰოლის ზემოქმედების ქვეშ იმყოფებოდა.