ჩვენი ძალისხმევა მიმართულია იმისკენ, რომ ევროკავშირში თავისუფალი მიმოსვლის ფონზე, მივაღწიოთ სავიზო პირობების გამარტივებას დიდ ბრიტანეთთან, - ამის შესახებ ჟურნალისტებს დიდ ბრიტანეთში საქართველოს ელჩმა თამარ ბერუჩაშვილმა განუცხადა.
მისი თქმით, ეს არ არის ადვილი ამოცანა, მით უმეტეს ბრექსიტის ფონზე, მაგრამ ეს ერთ-ერთი მნიშვნელოვანი პრიორიტეტია.
"როგორც მოგეხსენებათ, ემიგრაცია ერთ-ერთი გამომწვევი კომპონენტია ბრექსიტის. ამასთან დაკავშირებით, ჩვენი ძალისხმევა მიმართულია იმისკენ, რომ ევროკავშირში თავისუფალი მიმოსვლის ფონზე, მივაღწიოთ სავიზო პირობების გამარტივებას დიდ ბრიტანეთთან. ეს არ არის ადვილი ამოცანა, მით უმეტეს ბრექსიტის ფონზე, მაგრამ ეს არის ერთ-ერთი მნიშვნელოვანი პრიორიტეტი ჩვენი თანამშრომლობის დღის წესრიგში", - განაცხადა ბერუჩაშვილმა.