ფრანგული გამოცემა Le Parisien წერს, რომ საფრანგეთის პრეზიდენტმა ემანუელ მაკრონმა საფრანგეთის ყოფილ პრეზიდენტს ნიკოლა სარკოზის სთხოვა, წარმოედგინა საფრანგეთი საქართველოს ახლადარჩეული პრეზიდენტის სალომე ზურაბიშვილის ინაუგურაციაზე.
გამოცემის ცნობით, 7 დეკემბერს, მაკრონმა სარკოზი ელისეის სასახლეში სადილზე მიიწვია და საფრანგეთში მიმდინარე საპროტესტო აქციებთან დაკავშირებით რჩევა სთხოვა. აღნიშნულ შეხვედრაზე მაკრონა ყოფილ პრეზიდენტს სთხოვა, საქართველოსთან მისი მნიშვნელოვანი კავშირის გამო, რაც განსაკუთრებით რუსეთ-საქართველოს ომის დროს შუამავლობაში გამოიხატა, საფრანგეთი წარედგინა ზურაბიშვილის ინაუგურაციაზე.
აღსანიშნავია, რომ მაკრონის ადმინისტრაციამ გამოცემას ეს ინფორმაცია დაუდასტურა.
