დიდი ბრიტანეთის მთავრობის კაბინეტს ემბერ რადი დაუბრუნდა. მან შრომისა და საპენსიო საკითხთა სამდივნოს პორტფელი მას შემდეგ ჩაიბარა, რაც ბრექსიტის შეთანხმების დოკუმენტის გასაჯაროვების შემდეგ, მოქმედმა მინისტრმა ესტერ მაკვეიმ თანამდებობა დატოვა. აღსანიშნავია, რომ ემბერ რადი ერთ დროს ბრიტანეთის შინაგან საქმეთა მინისტრის პოსტს იკავებდა.
შეგახსენებთ, რომ ინტენსიური მოლაპარაკების შედეგად, ბრექსიტთან დაკავშირებით ბრიტანეთმა და ევროკავშირმა ტექნიკურ დონეზე შეთანხმებას მიაღწიეს. დოკუმენტის გასაჯაროვების შემდეგ თანამდებობა ბრიტანეთის მთავრობის რამდენიმე წევრმა დატოვა.
ბრექსიტთან დაკავშირებით ევროკავშირის სამიტი 25 ნოემბერს გაიმართება, სადაც მხარეები ოფიციალურად გააფორმებენ შეთანხმების მიღწევას ბრიტანეთის ევროკავშირიდან გასვლის შესახებ.
დიდმა ბრიტანეთმა ევროკავშირი 2019 წლის 29 მარტს უნდა დატოვოს.