თბილისის საქალაქო სასამართლოს მოსამართლე ქეთევან ჯაჭვაძემ "საქართველოს ეროვნული ერთობის“ ლიდერის, გიორგი ჭელიძის 14 ადვოკატიდან ერთი სხდომათა დარბაზიდან გააძევა, მეორე კი, 500 ლარით დააჯარიმა. აღნიშნულის მიზეზი, მოსამართლის განმარტებით წესრიგის დარღვევა და სასამართლოს უპატივცემლობა გახდა. ადვოკატები თვლიან, რომ ეს მიზანმიმართული დისკრედიტაციაა მათი პროფესიის. ისინი ადვოკატთა ასოციაციის ყოფილსა და ამჟამინდელ თავმჯდომარეს მიმართავენ თხოვნით, ხვალინდელ სხდომაზე სოლიდარობის ნიშნად მივიდნენ. აღნიშნულ საქმეში 14 ადვოკატია ჩართული. გიორგი ჭელიძე სამართალდამცავებმა იარაღისა და საბრძოლო მასალის უკანონო შეძენა-შენახვის ბრალდებით 31 აგვისტოს დააკავეს. დანაშაული, რომლის ჩადენასაც მას ედავებიან, 2-დან 5 წლამდე თავისუფლების აღკვეთას ითვალისწინებს.
