NDI-ის კვლევით კიდევ ერთხელ დადასტურდა, რომ „ქართული ოცნების“ მმართველობის პირობებში მნიშვნელოვნად გაიზარდა სიღარიბე, არ მოგვარდა უმუშევრობის პრობლემა, თუ სხვა საკითხები, - ამის შესახებ „ევროპული საქართველოს“ წარმომადგენელმა ირაკლი აბესაძემ განაცხადა.
მისი თქმით, ამიტომ არის მნიშვნელოვანი „ქართული ოცნების“ მმართველობის შეცვლა, მათ შორის საპრეზიდენტო არჩევნებზე, კანდიდატის გამარჯვება, რომელსაც აქვს კონკრეტული ხედვა, როგორ უნდა გაიზარდოს პენსია, როგორ შეიძლება მეტი ინვესტორია შემოყვანა ქვეყანაში და სამუშაო ადგილების გაზრდა, კრიმინოგენური ვითარების გაუმჯობესება, რაზეც „ევროპული საქართველო“ ბევრს საუბრობს ამომრჩეველთან
„ეს კვლევა მორიგ ჯერზე ადასტურებს, რომ „ქართული ოცნების“ მმართველობის პირობებში, მნიშვნელოვნად გაიზარდა სიღარიბე, მოსახლეობისთვის არ მოგვარდა უმუშევრობის პრობლემა, დამძიმდა კრიმინოგენული ვითარება, მოსახლეობას აწუხებს ის, რომ წლების განმავლობაში არ იზრდება პენსია და არ ჩანს ამის პერსპექტივა და რაც ყველაზე მთავარია, მოსახლეობის დიდ ნაწილს არ აქვს იმედი, რომ „ქართული ოცნება“ გამოასწორებს ამ ყველაფერს, რადგანაც მიაჩნიათ, რომ ქვეყანა დღესაც არასწორად ვითარდება. ამიტომ არის მნიშვნელოვანი „ქართული ოცნების“ მმართველობის შეცვლა, მათ შორის საპრეზიდენტო არჩევნებზე, კანდიდატის გამარჯვება, რომელსაც აქვს კონკრეტული ხედვა, როგორ უნდა გაიზარდოს პენსია, როგორ შეიძლება მეტი ინვესტორია შემოყვანა ქვეყანაში და სამუშაო ადგილების გაზრდა, კრიმინოგენური ვითარების გაუმჯობესება, რაზეც „ევროპული საქართველო“ ბევრს საუბრობს ამომრჩეველთან“, – განაცხადა ირაკლი აბესაძემ.