საქართველოს მართლმადიდებელი ეკლესიის პატრიარქი ილია მეორე სამებაში მიმდინარე წირვის დროს შეუძლოდ გახდა.
ექიმის თქმით, მომხდარის მიზეზი დაბალი წნევა იყო და პატრიარქის ჯანმრთელობას საფრთხე არ ემუქრება.
ექიმებმა მისი კლინიკაში გადაყვანა საჭიროდ არ ჩათვალეს.
„იყო არტერიული წნევის ცვალებადობა. დაქვეითდა არტერიული წნევა, რის გამოც, მან იგრძნო დისკომფორტი. თუმცა, დილიდანვე, ჩვენი რეკომენდაცია იყო, რომ არ წასულიყო წირვაზე, რადგან მთლად დამაკმაყოფილებლად არ გრძნობდა თავს. მაინც წავიდა და ამ დისკომფორტის გამო, იძულებული გახდა დაბრუნებულიყო. ამჟამად მდგომარეობა არის კარგი, ყველა პარამეტრი არის ნორმაში და პატრიარქი ჩვეული რიტმით განაგრძნობს ცხოვრებას და მოღვაწეობას“, - განაცხადა ექიმ-კარდიოლოგმა შალვა პეტრიაშვილმა.