CNN-ის სატელევიზიო არხის წამყვანმა, პრეზიდენტ დონალდ ტრამპის პრესკონფერენციაზე გამოსვლას, რომელიც პუტინთან გამართული ორმხრივი მოლაპარაკებების დროს შედგა - სამარცხვინო უწოდა.
"ეს იყო ყველაზე სამარცხვინო გამოსვლა აშშ-ის პრეზიდენტისა რუსეთის ლიდერთან ერთად, რაც მე მინახავს“ - განაცხადა ანდერსონ კუპერმა, მას შემდეგ, რაც ტრამპმა და პუტინმა დაასრულეს ჟურნალისტების კითხვებზე პასუხის გაცემა.
როგორც Associated Press-ი იუწყება, ეს განცხადება კიდევ უფრო გაამძაფრებს თეთრ სახლსა და ტელეარხს შორის ისედაც დაძაბულ ურთიერთობას.
პუტინთან პირისპირ გამართული ორსაათიანი მლაპარაკებების შემდეგ ტრამპმა განაცხადა, რომ ეჭვქვეშ აყენებს აშშ-ის არჩევნებში რუსეთის ჩარევის გამოძიების ფედერალური ბიუროს შედეგებს.
ტრამპის ქმედებამ გამოიწვია კრიტიკა, როგორც ვაშინგტონის პოლიტიკურ ელიტის წარმომადგენლებში, ასევე რიგითი ამერიკელებშიც. თეთრ სახლში დაბრუნებულ პრეზიდენტს უკვე ელოდნენ დემონსტრანტები, რომლებსაც ხელში ეჭირათ მანათობელი ასოებისგან შემდგარი სიტყვა - „მატყუარა“.
