პრემიერ-მინისტრობის კანდიდატი მამუკა ბახტაძე უარყოფს ინფორმაციას, რომ 2012 წლის აგვისტოში „ერთიანი ნაციონალური მოძრაობას“ (ენმ) მხარდასაჭერად პირადი თანხა გადარიცხა. ის ამბობს, რომ პირადი ანგარიში გამოყენებული იყო „გამტარად“.
„არა. მე ჩემი თანხა არასოდეს არ გადამირიცხავს „ნაციონალური მოძრაობისთვის“. თქვენ 2012 წელს იმიტომ, რომ არ ჰქონოდა საშუალება „ქართულ ოცნებას“ დაეფინანსებინა პარტია, შეცვალეთ კანონი და იურიდიულ პირებს აუკრძალეთ პარტიების დაფინანსება. ამას მოყვა შემდეგ ცვლილება საბანკო საქმიანობის შესახებ კანონში. აქედან გამომდინარე ჩემი პირადი ანგარიში გამოყენებული იქნა მხოლოდ ტექნიკურად“, აღნიშნა მამუკა ბახტაძემ.
