2017 წელს საქართველოში 73 ერთეული სამაცივრე მეურნეობა ფუნქციონირებდა, რომელთა უმრავლესობაც შიდა ქართლსა (26,0%) და ქვემო ქართლში (21,9%) იყო განთავსებული. მოქმედი სამაცივრე მეურნეობების 13,7 მდებარეობს ქ. თბილისში, 12,3% იმერეთის რეგიონში, 11,0% - სამეგრელო-ზემო სვანეთში, 8,2% კახეთში, ხოლო დარჩენილი 6,9% - სხვა რეგიონებშია განთავსებული.
„საქსტატის“ ინფორმაციით, 2017 წლის განმავლობაში სამაცივრეებში მომსახურება გაეწია 678 მომხმარებელს, მწარმოებელთა და გადამყიდველთა რაოდენობამ, რომელთაგანაც შესყიდულ იქნა პროდუქცია, 353 ერთეულს წარმოადგენს, ხოლო სამაცივრეებში დასაქმებულთა საშუალო წლიურმა რაოდენობამ 1062 კაცი შეადგინა.
2017 წლის განმავლობაში, მაცივრებში შენახული (განთავსებული) იყო 282,5 ათასი ტონა პროდუქცია, რომლის 65,0%-ს წარმოადგენდა ქათმის ხორცი (გაყინულის ჩათვლით), 13,7% მოდიოდა ხორცზე და ხორცპროდუქტებზე (ნახევარფაბრიკატების ჩათვლით), 8,4% - თევზზე, 1,9% რძის პროდუქტებზე, 4,3% - ხილზე და ხილბოსტნეულზე, ხოლო დანარჩენ პროდუქციაზე
6,6%.
სამაცივრე მეურნეობების მიერ, შემდგომი რეალიზაციის მიზნით 2017 წლის განმავლობაში შესყიდულია 12,5 ათასი ტონა პროდუქცია. რაც შეეხება მომსახურების საფასურს - 14,1 მლნ ლარი შეადგინა.
2017 წლის განმავლობაში სამაცივრე მეურნეობების მიერ გაყიდულია 101,0 მლნ ლარის ღირებულების (25,3 ათასი ტონა) პროდუქცია, საიდანაც ღირებულებით გამოსახულებაში შედარებით დიდი ნაწილი (56,3%) იყო ადგილობრივი (საკუთარი წარმოების). ამასთან, სამაცივრეების მიერ გაყიდული ადგილობრივი (საკუთარი) პროდუქციის 93,6% მოდიოდა ქათმის ხორცზე. იმპორტირებული პროდუქციის 93,0% მოდიოდა ხილზე და ბოსტნეულზე. სამაცივრეების მიერ გაყიდული პროდუქციიდან 6,6% უცხოურ ბაზარზე იქნა რეალიზე-
ბული, რომლის მნიშვნელოვან ნაწილს ხილი და ბოსტნეული წარმოადგენდა (93,3%).
გამოკვლევის შედეგების მიხედვით, ელევატორების საცავების საშუალო დღიურმა დატვირთვამ (პროცენტულად საცავების ჯამური ტევადობიდან) 34,0% შეადგინა იანვარში, 35,2% - თებერვალში, 31,8% - მარტში, 35,7% - აპრილში, 37,6% - მაისში, 37,6% - ივნისში, 36,2% - ივლისში, 38,3% - აგვისტოში, 41,1% - სექტემბერში, 44,8% - ოქტომბერში, 42,3% - ნოემბერში და 38,0% - დეკემბერში.
სამაცივრე მეურნეობების 50,7% თანამედროვე ტექნოლოგიებით აღჭურვილია ნაწილობრივ, 45,1% - სრულად, ხოლო 4,2% საერთოდ არ არის აღჭურვილი თანამედროვე ტექნოლოგიებით. სესხით სარგებლობს სამაცივრე მეურნეობების მხოლოდ 39,7%. აქედან, 17,3%-ს სესხი აღებული აქვს ძირითადი კაპიტალისთვის (ახლის შეძენის ან არსებულის გაუმჯობესების მიზნით), 44,8%-ს საბრუნავი კაპიტალისათვის, ხოლო 37,9%-ს როგორც ძირითადი, ისე საბრუნავი კაპიტალისათვის.
სამაცივრე მეურნეობების 23,1% თვლის, რომ ყველაზე მნიშვნელოვან გავლენას კონკურენტუნარიანობაზე შესაბამისი მოწყობილობის/ტექნოლოგიის უქონლობა ახდენს. 21,4%-ის აზრით, კონკურენტუნარიანობაზე ყველაზე მეტად გავლენას ახდენს ფინანსურ რესურსებზე სუსტი ხელმისაწვდომობა, 13,1% - სუსტ კავშირს მწარმოებლებთან, 12,5% - მომსახურებაზე დაბალ მოთხოვნას, 11,2% ამის მთავარ მიზეზად მიიჩნევს სახელმწიფო გადასახადების სიდიდეს, 9,8% - კომუნალური გადასახადების სიდიდე და 8,9% - თანამშრომელთა კვალიფიკაციას.
