ანა სუბელიანის მიმართ მუქარის ფაქტზე საქართველოს შინაგან საქმეთა სამინისტრომ გამოძიება დაიწყო.
უწყებამ გამოძიება სისხლის სამართლის კოდექსის 151-ე მუხლით დაიწყო, რაც მუქარას გულისხმობს.
შსს-ს ცნობით, მიმდინარე გამოძიების ფარგლებში ჩატარდება ყველა საგამოძიებო მოქმედება.
ცნობისთვის, ანა სუბელიანმა "რუსთავი 2"-ის გადაცემა "არჩევანში" განაცხადა, რომ 9 აპრილის მემორიალზე ცეკვის გამო შვილით ემუქრებიან.
"მთელი ამ დღეების განმავლობაში მე მემუქრებიან ბავშვით, მყავს 8 წლის შვილი და შვილზე აპელირებენ. ვარ ძალიან უშიშარი ადამიანი, მაგრამ, რაღაც მომენტში რეალური საფრთხის შეგრძნება გამიჩნდა. მაგრამ, ამის გამო არ ვაპირებ შევწყვიტო გარეთ სიარული და უკან დავიხიო ბრძოლებში", - განაცხადა ანი სუბელიანმა.