გორში რუსეთ-საქართველოს ომში დაღუპულთა მემორიალური ხეივანი შეიქმნა. ხეივანს, რომელიც ვერხვების დევნილთა ჩასახლებაში გაკეთდა "სიცოცხლის ხეივანი" ეწოდა და 2008 წლის აგვისტოს ომში დაღუპული გორელი სამხედრო პირებისა და პოლიციელების ხსოვნის მიეძღვნა. ხეივანი სამთავისისა და გორის მიტროპოლიტის ანდრიას (გვაზავა) ლოცვა-კურთხევით შეიქმნა.
პირველი ნერგი შიდა ქართლის გუბერნატორმა დარგო და აღნიშნა რომ მარადმწვანე ხეივანი სიცოცხლის გაგრძლების სიმბოლოა და აგვისტოს ომში დაღუპულ გმირთა ხსოვნა მუდამ ჩვენს გულებში იქნება. ხეების დარგვაში ადგილობრივი ხელისუფლების წარმომადგენლებთან ერთად გარდაცვლილთა ოჯახის წევრები და დევნილებიც მონაწილეობდნენ.
2008 წლის რუსეთ-საქართველოს ომში გორის მუნიციპალიტეტის ტერიტორიზე მცხოვრები 33 სამხედრო პირი და პოლიციელი დაიღუპა.