ეკონომიკისა და მდგრადი განვითარების სამინისტროს ტურიზმის ეროვნული ადმინისტრაციის ორგანიზიებით კატარის პოპულარული გაზეთებისა და რადიოს 8 ჟურნალისტი საქართველოს ეწვია. პრესტურის მონაწილეებმა ბორჯომი, ახალციხე, ვარძია, ქუთაისი, წყალტუბო, ყაზბეგი, გუდაური და მცხეთა დაათვალიერეს. თბილისში, კატარის საელჩოში ტურის მონაწილეებს ტურიზმის ეროვნული ადმინისტრაციის ხელმძღვანელი გიორგი ჩოგოვაძე და კატარის ელჩი საქარველოში მუბარაქ ბინ სანერ მუბარაქ ალ-ხალიფა შეხვდნენ.
საქართველოს ტურისტული მიმართულება სულ უფრო პოპულარული ხდება კატარელი მოგზაურებისთვის, რასაც ხელს უწყობს პირდაპირი ავიამიმოსვლა თბილისსა და კატარის დედაქალაქ დოჰას შორის. კატარის ავიახაზები თბილისის მიმართულებით ყოველდღიურად 2 ავიარეისს ასრულებს. ზაფხულის სეზონზე რეისების სიხშირე გაიზრდება.
