თარიღი    დრო

მოწმემ განაცხადა, რომ ეზოში მდგარი მანქანის მეპატრონემ დაჭრილი ორივე მოზარდი დაინახა და გაიქცა - ზაზა სარალიძე

საქართველო, თბილისი - 12:32 04.24.2018 141

დაიკითხა მოწმე, იქ მცხოვრები ადამიანი, რომელმაც განაცხადა, რომ ეზოში მდგარი მანქანის მეპატრონემ, რომელშიც იჯდა ის, თვალნათლივ დაინახა დაჭრილი ორივე ბავშვი, დაქოქა მანქანა და გაიქცა, - განაცხადა საქალაქო სასამართლოს წინ მიმდინარე აქციაზე ხორავას ქუჩაზე მუკლული დავით სარალიძის მამამ, ზაზა სარალიძემ.

"ჩვენი მოწოდებაა, აღსრულდეს სამართალი. კიდევ ერთ უსამართლობას წავაწყდი დღეს, დაიკითხა მოწმე, იქ მცხოვრები ადამიანი, რომელმაც განაცხადა, რომ ეზოში მდგარი მანქანის მეპატრონემ, რომელშიც იჯდა ის, თვალნათლივ დაინახა ორივე ბავშვი დაჭრილი, დაქოქა მანქანა და გაიქცა. ეს უკვე ძალიან დიდი დანაშაულია, განსაცდელში მიტოვება, რასაც სამართალდამცავების მხრიდან ჯერჯერობით, რეაგირება არ მოჰყოლია. ძალიან დიდი დანაშაულია, როცა ბავშვი სისხლისგან იცლება და ადამიანი გარბის, ამ ყველაფერს თავს არიდებს. ჩავთვლი, რომ ერთ-ერთი მკვლელია ისიც.

ასეთი ძალიან ბევრი დარღვევაა. საქმეში აბსოლუტურად ურთიერთსაწინააღმდეგო ჩვენებებია. ვთვლი, რომ გამოძიება არასწორადაა ჩატარებული. ჩვენი მოთხოვნააა - ნუ მომკლავ, აღასრულე სამართალი. აქციებს გავაგრძელებთ მანამდე, სანამ სამართლიანობა არ აღდგება ისე, როგორც ამას სამართლიანობა მოითხოვს", - აცხადებს სარალიძე. 

როგორც "ჯი-ეიჩ-ენისკორესპონდენტი ადგილიდან იტყობინება, აქცია სასამართლოს ეზოში ამ წუთებშიც მიმდინარეობს. აქციის მონაწილეები, პირველ დეკემბერს, ხორავას ქუჩაზე მოზარდებს შორის მომხდარი მკვლელობის საქმის ობიექტურად გამოძიებას ითხოვენ.




Tavdacva

ყველა სიახლის ნახვა...

sporti

ყველა სიახლის ნახვა...

komentari

ყველა სიახლის ნახვა...

dRis siaxleebi

ყველა სიახლის ნახვა

სარეკლამო ბანერი (250px)


arqivi


ბოლო სამი წლის განმავლობაში თქვენი პირადი შემოსავლები
გაიზარდა 85.5%
შემცირდა 11.6%
არ შეცვლილა 2.8%