ახალ ბულვარში, მშენებლობის გამო,მრავალწლოვანი პალმა დაზიანდა. აჭარის ტელევიზიის ინფორმაციით, ველობილიკთან მიმდინარე მშენებლობამ, რომელსაც კომპანია "რეკან გრუპი" ახორციელებს, მრავალწლოვან პალმას მიწა გამოაცალა.
მოქალაქე ამბობს, რომ წაქცეული ხე რამდენიმე დღის წინ შენიშნა, თუმცა რეაქცია შესაბამისი ორგანოებიდან არ იყო. დღეს კი, ხის გადასარჩენად, ბათუმის ბულვარის ადმინისტრაციას მიმართა და აჭარის მაუწყებელს დახმარება სთხოვა.
მოქალაქის აქტიურობის შედეგად, ადგილზე ბათუმის გამწვანების სამსახური მივიდა და მრავალწლოვანი ნერგი სატვირთო მანქანით სანერგე მეურნეობაში გადაიტანა.
"აჭარის ტელევიზიასთან" საუბრისას, კომპანიის წარმომადგენელი ირაკლი ბერიძე ამბობს, რომ კომპანია "რეკან გრუპი" არ დაჯარიმდება, რადგან პალმა არ დაზიანებულა და მას გახმობა არ ემუქრება.