გაეროს გენერალური მდივანი, ანტონიუ გუტერეში აცხადებს ცივი ომის დაბრუნების შესახებ და სინანულს გამოხატავს, რომ გაეროს უშიშროების საბჭო აღარ აკმაყოფილებს თანამედროვე მსოფლიოს მოთხოვნებს.
"უშიშროების საბჭო სტრუქტურული პრობლემების წინაშეა. ის წარმოადგენს მსოფლიოს ისეთს, როგორიც ის იყო მეორე მსოფლიო ომის დროს. მას ვერ წარმოუდგენია თანამედროვე მსოფლიო. ვეტოს უფლებას ძალიან ხშირად იყენებენ“ - განაცხადა გუტერეშიმ შვედურ ტელეკომპანია SVT-თან ინტერვიუში.
მისი სიტყვებით, "ეხლა მიმდინარეობს დისკუსია უშიშროების საბჭოს რეფორმირების საკითხზე. როგორც მე უკვე რამდენჯერმე განვაცხადე: გაეროს სრული რეფორმა არ მოხდება, იქამდე ვიდრე არ რეფორმირდება უშიშროების საბჭო“ - განაცხადა გუტერეშმა.
მან ასევე აღნიშნა, რომ მსოფლიო დღეს კიდევ ერთხელ შევიდა ცივი ომის ეპოქაში, თუმცა მას აქვს უფრო სხვა ხასიათი, ვიდრე საბჭოთა კავშირის და აშშ-ს დაპირისპირების დროს იყო.
"მაშინ ეს იყო დიდი კონფლიქტი აშშ-და და საბჭოთა კავშირს შორის. ეხლა აშშ და რუსეთი ვერ აკონტროლებენ ყველაფერს, ისე როგორც ადრე. რეგიონში ბევრი ქვეყანაა აქტიური, მაგალითად თურქეთი, ირანი, საუდის არაბეთი და სხვა. ეხლა უკვე აღარაა ორი თანაბარი, კარგად კონტროლირებადი რეგიონი“ აღნიშნა გაეროს გენერალურმა მდივანმა.