მუსტაფა ემრე ჩაბუქის ადვოკატებმა დღეს მთავარ პროკურორს ჩაბუქის დაცვის სპეციალურ პროგრამაში ჩართვის მოთხოვნით მიმართეს. ადვოკატები თავდასხმისა და გატაცების საფრთხეებზე საუბრობენ.
ჩაბუქის ადვოკატის, სოსო ბარათაშვილის განმარტებით, მას შემდეგ, რაც დემირელის კოლეჯის ხარისხის მართვის მენეჯერი თბილისის საქალაქო სასამართლომ წინასწარი პატიმრობიდან გაათავისუფლა, თურქულ სოციალურ ქსელებში მის მიმართ ნეგატიური განცხადებები ვრცელდება.
„მისი გათავისუფლების შემდეგ თურქულ სოციალურ ქსელებში უარყოფითი კონტექსტის შემცველი განცხადებები გავრცელდა. ყოფილა პრეცდენტი, როცა თურქეთის მოქალაქე საექსატრადაციო პატიმრობიდან გაათავისუფლეს და ის თურქეთში გაიტაცეს“, - განუცხადა „ჯი-ეიჩ-ენს“ ადვოკატმა.
შეგახსენებთ, რომ დემირელის კოლეჯის ხარისხის მართვის მენეჯერი, მუსტაფა ემრე ჩაბუქი, 19 თებერვალს, თბილისის საქალაქო სასამართლომ 1000 ლარიანი გირაოს სანაცვლოდ გაათავისუფლა.