ამ წუთებში,თბილისში, დიდი დიღმის მესამე მიკრო რაიონში ავტოსაგზაო შემთხვევა მოხდა. ადგილზე საპატრულო პოლიციის თანამშრომლები არიან მობილიზებული.
არსებული ინფორმაციით, ავტომობილი ქვეითად მოსიარულეს დაეჯახა და შემთხვევის ადგილიდან მიიმალა.
როგორც ჩვენი კორესპონდენტი ადგილიდან იუწყება, დაშავებული სასწრაფო სამედიცინო დახმარების ბრიგადამ საავადმყოფოში გადაიყვანა. არიან თუ არა კიდევ დაშავებულები, ან ავტოსაგზაო შემთხვევას მოჰყვა თუ არა მსხვერპლი, ეს ჯერ უცნობია.
"ჯი-ეიჩ-ენი" შსს-ს დაუკავშირდა, ისინი მომხდართან დაკავშირებით, დეტალებს უახლოეს წუთებში მოგვაწვდიან.