“დაიკითხა სასწავლო ნაწილი, ასევე #51 სკოლის დირექტორი. წარმოდგენილი იქნა მანდატურიც, მაგრამ სამუშაო საათების დასრულების გამო მისი დაკითხვა ვერ მოხერხდა. სასამართლომ ახალი მტკიცებულებების დასაშვებობასთან დაკვაშირებით იმსჯელა. დაკითხული მოწმეები უშუალოდ ფაქტის შემსწრენი არ არიან. მათ ისაუბრეს იმ გარემოებებზე, რაც მათთვის შემდეგ გახდა ცნობილი“ -განაცხადა ჟურნალისტებთან საუბრისას ადვოკატმა ეკატერინე მაჭარაშვილმა.
„ჩვენს მიერ მოპოვებული მტკიცებულება აღნიშნულ სისხლის სამართლის საქმეს დაერთო. ეს გახლავთ სამედიცინო ექსპერტიზის დასკვნა, რომელშიც მითითებული ინფორმაცია ძალიან განსხვავდება ბრალდების მხარის ექსპერტიზის დასკვნისგან. შესაბამისად მიმაჩნია, რომ სასამართლო შესაძლოა სწორედ აღნიშნულ დასკვნას დაეყრდნოს. დაცვის მხარემ დავნიშნეთ ძალიან ბევრი კომპლექსური ექსპერტიზა. ამისათის კი ის ნივთმტკიცებები გვჭირდება, რომელიც ბრალდების მხარესთან ინახება, თუმცა ბრალდების მხარე გვეუბნება რომ ნივთმტკიცებები ექსპერტებთან ინახება. თუ ბრალდების მხარემ აღნიშნუილ ნივთმტკიცებები არ გადმოგვცა, ექსპერტიზებს ვერ ჩავატარებთ“ - განაცხადა ტარიელ კაკაბაძემ.
თბილისის საქალაქო სასამართლოში ამ წუთებში დასრულდა ხორავას ქუჩაზე მოზარდების მკვლელობის საქმის განხილვა.
შემდეგი სასამართლო პროცესი 15 თებერვალს 15:00 საათზე ჩაინიშნა.
