"12 თებერვლის მდგომარეობით, არ ვადასტურებ, რომ ჩემთან პრეზიდენტობის კანდიდატობის თემაზე რაიმე კონსულტაციები მიმდინარეობს", - ამის შესახებ შრომის ჯანმრთელობის და სოციალური დაცვის მინისტრმა, დავით სერგეენკომ გავრცელებული ინფორმაციის, რომ "ქართული ოცნების“ პრეზიდენტობის კანდიდატი იქნება, საპასუხოდ განაცხადა.
მინისტრის თქმით, მომავალში რა მოხდება არ იცის.
„დღეის მდგომარეობით, 12 თებერვლის 11 საათის მდგომარეობით, არ ვადასტურებ, რომ ჩემთან ამ თემაზე რაიმე კონსულტაციები მიმდინარეობს. რა იქნება მომავალში, ვერაფერს გეტყვით”, – განუცხადა დავით სერგეენკომ ჟურნალისტებს.
