კიევის პროკურატურა 12 თებერვალს მიხეილ სააკაშვილს საექსტრადიციო შემოწმების ფარგლებში გამოკითხავს.
„შესაბამისი მოწვევა ნამდვილად გაგზავნილია ბატონ სააკაშვილთან მისი ადვოკატების შუამავლობით, თუმცა ახლა ჩვენ არ გვაქვს დადასტურება, რომ ის გამოჩნდება. ამასთან, ეს არის სტანდარტული პროცედურა, რომელიც საექსტრადიციო შემოწმების ფარგლებში ტარდება. როგორც იცით, შემოწმებას იუსტიციის სამინისტროს დავალებით ვატარებთ“, – განაცხადა კიევის პროკურატურის პრესმდივანმა ნადეჟდა მაქსიმეცმა.
შეგახსენებთ, ქართულ მხარეს უკრაინაში მიხეილ სააკაშვილის ექსტრადირების მოთხოვნა აქვს გაგზავნილი, რის საფუძველზეც უკრაინის იუსტიციის სამინისტროს დაწყებული აქვს საექსტრადიციო შემოწმება.
