ცნობილი ფრანგი მსახიობი კატრინ დენევი სექსუალური ძალადობის მსხვერპლთ საკუთარი განცხადებების გამო ბოდიშს უხდის, თუმცა აცხადებს, რომ კრიტიკის მიუხედავად, თავის შეხედულებებს არ ცვლის. მსახიობის თქმით, მიმართვაში, რომელიც მან ერთი კვირის წინ გამოაქვეყნა, არ ამართლებს გაუპატიურებასა და სექსუალურ შევიწროებას.
„წერილში საუბარი იყო მედიაში ატეხილ სკანდალზე, რომლის გამოც მტკიცებულებების გარეშე ბევრმა ადამიანმა დაკარგა სამსახური და ცნობილი ადამიანების ხარჯზე, ვიღაცამ ფული გააკეთა. მე არ მომწონს ჩვენი დღევანდელი სამყარო, სადაც ყველა ფიქრობს, რომ ვინმეს განსჯის უფლება აქვს", - განაცხადა მსახიობმა.
9 იანვარს კატრინ დენევიმ საჯაროდ გააკრიტიკა აშშ-ში სექსუალური შევიწროვების წინააღმდეგ დაწყებუი კამპანია და მხარი „თავისუფალი არშიყის უფლებას“ დაუჭირა.