გურიაში სომხეთის მოქალაქეს საკუთარი სახლის სადარბაზოსთან თავს დაესხნენ, სხეულის დაზიანებები მიაყენეს და გაძარცვეს.
არსებული ინფორმაციიით, თავდამსხმელმა მამაკაცისგან 30 ათასი ლარი წაიღო.
დაზარალებული მიყენებული დაზიანებებით საავადმყოფოშია გადაყვანილი. მის სიცოცხლეს საფრთხე არ ემუქრება.
შინაგან საქმეთა სამინისტროს ინფორმაციით, მომხდარზე გამოძიება სისხლის სამართლის კოდექსის 178-ე მუხლით დაიწყო, რაც ძარცვას გულისხმობს. უწყების ცნობით, ისინი ამჟამად შესაბამის საგამოძიებო მოქმედებებს ატარებენ.
