პრეზიდენტის საპარლამენტო მდივანი ანა ნაცვლიშვილი არასამთავრობო ორგანიზაციის "კოალიცია მედიის ადვოკატირებისთვის" მიმართვას ეხმაურება და "მაუწყებლობის შესახებ კანონში" ახლადმიღებულ ცვლილებებთან დაკავშირებით არასამთავრობო სექტორთან შეხვედრის მზადყოფნას გამოთქვამს.
აღნიშნული მიმართვა კოალიციამ გაავრცელა და საქართველოს პრეზიდენტის ახლადდანიშნულ საპარალამენტო მდივანს ანა ნაცვლიშვილს ჯერ კიდევ ხელმოუწერელ საკანონმდებლო ცვლილებებთან დაკავშირებით შეხვედრა სთხოვა. ანა ნაცვლიშვილი მზადაა აღნიშნულ კანონთან დაკავშირებით სხვა დაინტერესებულ ორგანიზაციებსაც შეხვდეს.
"საზოგადოებრივი მაუწყებლის" კანონთან დაკავშირებით მუშაობა გრძელდება, 15 იანვარს არის ის ბოლო თარიღი, როდესაც პრეზიდენტმა უნდა მიიღოს გადაწყვეტილება ამ კანონის ხელმოწერასთან დაკავშირებით.
