მინდა ჩემი პატივისცემა დავუდასტურო ჩვენს ქისტ თანამემამულეებს, - განაცხადა საქართველოს პრემიერ-მინისტრმა მთავრობის დღევანდელ სხდომაზე.
„მინდა ჩემი პატივისცემა დავუდასტურო ჩვენს ქისტ თანამემამულეებს, რომლებმაც საუკუნეების განმავლობაში თავიანთი დამოკიდებულებით არაერთხელ დაამტკიცეს საქართველოსა და მისი ინტერესების ერთგულება და ამ სიმტკიცეში არავის შეაქვს ეჭვი. გარწმუნებით, რომ აქ ბზარის შეტანა არის შეუძლებელი. ჩვენს საზოგადოებას კარგად ესმის, რომ სახელმწიფო არის პასუხისმგებელი საკუთარი მოქალაქეების უსაფრთხოებაზე და ჩვენი სპეცსამსახურები ყველაფერს გააკეთებენ ამ უპირველესი ვალდებულების უზრუნველსაყოფად“, - განაცხადა გიორგი კვირიკაშვილმა.
