თბილისის საქალაქო სასამართლოში ირაკლი ფირცხალავას საქმის განხილვა მიმდინარეობს. მას სახელმწიფო ბრალდება მოწმე ირაკლი მამალაძეზე ზემოქმედების მოხდენის ფაქტზე ჩვენების მიცემაზე უარის თქმას ედავება.
ფირცხალავას განცხადებით, მისი მიზანი ყოველთვის კანონის სადარაჯოზე დგომა იყო.
"ირაკლი მამალაძე არის აგენტი, ის იმ აგენტების რიცხვს არ მიეკუთვნება რომლებიც ქვეყნის უსაფრთხოებაზე მუშაობენ, მისი ყველა ქმედება საკუთარი კეთილდღეობისკენ იყო მიმართული, ამიტომაც, გადავწყვიტე მისი გაშიშვლება.
არც ვიცოდი რომ საქმე იყი აღძრული და ამის შემდეგ დაიწყო ის უბედურება რაც ამ 2 თვეში გადამხდა თავს. პროკურორი მოვიდა და დამიწყო საუბარი. არცერთ ეტაპზე გამოძიებისთვის უარი არ განმიცხადებია გარდა იმ მიზეზებისა რაც სასამართლოს ოქმებშია ასახული. თუ ჩემი დაკითხვა უნდოდათ ადვოკატით უნდა ვყოფილიყავი უზრუნველყოფილი.
ჩვენების მიცემაზე უარი არ მითქვამს, მერე მოხდა ინციდენტი. გამომძიებელს პირდაპირ უწერია, რომ უარი ვთქვი ჩვენებაზე, მოსამართლეს კი დაეთანხმა რომ ჯანმრთელობის მდგომარეობის გამო ჩემი დაკითხვა არ შეიძლებოდა. იმის მტკიცება რომ ჩვენება არ მივეცი სისულელეა", - განაცხადა ფირცხალავამ.
ამ წუთებში სასამართლოს ჩვენებას პროკურორი დავით გუმბერიძე აძლევს.
