თარიღი    დრო

როდესაც პრემიერი ამბობს, რომ გადადგება, თუ ბრალდებები დადასტურდა, ეს არის წნეხი - "სიტროენ ჯორჯიას" დირექტორი

საქართველო, თბილისი - 16:07 12.14.2017 744

მომღრალ გია გაჩეჩილაძის სიძემ, "სიტროენ ჯორჯიას" დირექტორმა, მთავრობის ადმინისტრაციაში დოკუმენტები მიიტანა, რომლებიც მისი თქმით, სკანდალური ბრალდებების დამადასტურებელია.

კომპანიის მტკიცებით, კარტელურ გარიგებას ტარიელ ხეჩიკაშვილი მფარველობს და შესყიდვების სააგენტოც ფრანგული კომპანიის წარმომადგენლობას ხელოვნურად ძირავს.

„როდესაც პრემიერი ამბობს, რომ მე გადავდგები თუ ეს დადასტურდა, ეს არის წნეხი ყველა იმ ორგანოზე, რომლმაც ეს უნდა გამოიძიოს. ჩვენ მიმართ უკანონო ქმედება განხორციელდა და ვცდილობთ, რომ ეს პროცესი დავადასტუროთ,“- განაცხადა გიორგი შარაშიძემ.

მისი თქმით, „სიტროენ ჯორჯიას“ წინააღმდეგ მიმართული ქმედებები, მისი დისკვალიფიკაცია ტენდერებიდან ემსახურებოდა კონკრეტულ მიზანს, რომ ყველა ტენდერს ჩამოშორებულიყო შეთავაზებული დაბალი ფასის გამო იმ კომპანიებთან შედარებით, რომელსაც, შარაშიძის განცხადებით, სპორტის მინისტრი მფარველობს. 

„შესყიდვების სააგენტოში ზუსტად ჩანს, რატომ და როგორ მოვხვდით შავ სიაში და რამდენად მიკერძოებული იყო ეს ყველაფერი. 57 ტენდერში 127-დან უკონკურენციოდ ჩატარებული ტენდერები, მათგან სამი კომპანია არის ტარიელ ხეჩიკაშვილის“- აღნიშნა შარაშიძემ.

„სიტროენ ჯორჯიას“ ორი საჩივარი აქვს წარდგენილი, ერთი კონკურენციის სააგენტოში, მეორე კი მიმდინარე დავა თბილისის საქალაქო სასამრთლოში ჯანდაცვის სამინისტროს წინააღმდეგ. 




Tavdacva

ყველა სიახლის ნახვა...

komentari

ყველა სიახლის ნახვა...

dRis siaxleebi

ყველა სიახლის ნახვა

სარეკლამო ბანერი (250px)


arqivi


ბოლო სამი წლის განმავლობაში თქვენი პირადი შემოსავლები
გაიზარდა 86.2%
შემცირდა 11.1%
არ შეცვლილა 2.7%