რუსეთის პრეზიდენტი სმოლენსკის ტრაგედიასთან კავშირს კატეგორიულად უარყოფს. პოლონეთის საპრეზიდენტო თვითმფრინავის ჩამოვარდნის შესახებ პუტინმა ტრადიციულ დიდ პრესკონფერენციაზე პოლონელი ჟურნალისტის კითხვას უპასუხა.
„ის, რაშიც გვადანაშაულებენ, არის ჩვეულებრივი სიყალბე. ამბობენ, ჩამოვარდნამდე თვითმფრინავის ბოტრზე აფეთქებები შეიძლება ყოფილიყოო. მაგრამ საიდან მოფრინავდა თვითმფრინავი? ვარშავიდან. მაშინ გამოდის, რომ ბომბები თვითმფრინავში ვარშავაში ჩადეს. ნუ იგონებთ ასეთ სიცრუეს. რაში გჭირდებათ? ჩვენ ეს ტრაგედია თქვენთან ერთად განვიცადეთ. ვერ გამიგია, რატომ უნდა გაწყობდეთ რუსულ-პოლონური ურთიერთობის გაფუჭება? გადაშალეთ ახალი ფურცელი! გაიზარდეთ ბოლოს და ბოლოს!“-განაცხადა პუტინმა.