უკრაინაში ჩვენ აუცილებლად უნდა გავიმარჯვოთ, რათა საქართველო გამარჯვებული დარჩეს, - ამის შესახებ საქართველოს ყოფილმა პრეზიდენტმა მიხეილ სააკაშვილმა სასამართლო დარბაზის დატოვების შემდეგ განაცხადა.
მისი თქმით, მოსამართლემ პრეზიდენტის მხრიდან უზარმაზარი ზეწოლის მიუხედავად, საპირისპირო გადაწყვეტილება მიიღო.
სააკაშვილის თქმით, უკრაინის მთავრობას "სისტემა ერღვევა".
"ერღვევათ სისტემა. ამათთვის სასიცოცხლოდ მნიშვნელოვანი იყო, რომ მე სახლში ჩავეკეტე და გარეთ არ გამოვეშვი. შეიძლება, სახურავიდანაც მომეწყო მიტინგები, მაგრამ ჩვენ უნდა ვიმუშაოთ,", - განაცხადა სააკაშვილმა.
ცნობისთვის, საქართველოს ყოფილი პრეზიდენტი მიხეილ სააკაშვილი უკრაინის პეჩერსკის რაიონული სასამართლოს დარბაზიდან გაათავისუფლეს.