ევროკავშირის საგარეო პოლიტიკის კოორდინატორმა დონალდ ტრამპის გადაწყვეტილება გააკრიტიკა. ფედერიკა მოგერინის თქმით, ვაშინგტონის მიერ ისრაელის დედაქალაქად იერუსალიმის გამოცხადება სამსვიდობო პროცესს შეაფერხებს.
"ევროკავშირს ამ საკითხთან დაკავშირებით მყარი პოზიცია აქვს. ჩვენ გვჯერა, რომ ისრაელსა და პალესტინას შორის კონფლიქტის გადაჭრის ერთადერთი რეალისტური გზა ორი სახელმწიფოს არსებობის პრინციპს ეფუძნება. იერუსალიმი უნდა იყოს როგორც ისრაელის, ისე პალესტინის დედაქალაქი,"-აღნიშნა მოგერინიმ.
