პალესტინური რადიკალური დაჯგუფება ჰამასი ისრაელისთვის ახალი ანტიფადის გამოცხადების მოწოდებით გამოდის. საგანგებო განცხადება დაჯგუფების ლიდერმა ისმაელ ჰანიამ გააკეთა. მისი თქმით, სიონისტურ რეჟიმს პალესტინელი ხალხი და მუსლიმანური სამყარო ძალადობის უფლებას არ მისცემს, შეერთებული შტატები კი იერუსალიმის ისრაელის დედაქალაქად აღიარების გამო საკადრის პასუხს მიიღებს. ტრამპის გადაწყვეტილების გამო პალესტინურ დასახლებებში მასშტაბური საპროტესტო აქციები იმართება.