სირიის ქალაქ ატარებზე ავიაიერიშს ათობით ადამიანი შეეწირა, ასამდე კი დაშავდა. ქალაქი ატარები ალეპოს სიახლოვეს მდებარეობს. სირიის ადამიანის უფლებების დამცველი ობსერვატორიის მონაცემებით, დაღუპულია 29 ადამიანი, მათ შორის, 5 ბავშვი. თვითმხილველები ირწმუნებიან, რომ ქალაქი რუსულმა თვითმფრინავმა დაბომბა. მომხდარზე კომენტარს ჯერჯერობით არ აკეთებს ოფიციალური მოსკოვი.