ძალიან ბევრი დამატებითი მუშაობა მოგვიწევს კიდევ, რათა შევასრულოთ DCFTA და ასოცირების ხელშეკრულებები, - ამის შესახებ შვედეთის საგარეო საქმეთა მინისტრმა მარგოტ ვალმსტრომმა ქართველ და პოლონელ კოლეგებთან შეხვედრის შემდეგ გამართულ ერთობლივ პრესკონფერენციაზე განაცხადა.
მისი თქმით, შვედეთი რჩება ძალიან მტკიცე მხარდამჭერად საქართველოს ევროპული სულისკვეთებისა და საქართველოს ევროპაში ინტეგრაციისა.
,,თქვენ ხართ ძალიან პროგრესირებადი წევრი აღმოსავლეთ პარტნიორობისა, რომელიც დემოკრატიულ რეფორმებს ახორციელებს და რეგიონში ებრძვის კორუფციას. თქვენ ძალიან წარმატებული ხართ ამ ძალისხმევებში და ეს აღიარებულია იმ ანგარიშებში, რომელიც მოვამზადეთ საქართველოში არსებული დემოკრატიის, კანონის უზენაესობის სფეროებში. ამ მიღწევებში კარგი ნიშნები გაქვთ, მაგრამ მომავალში ძალიან ბევრი დამატებითი მუშაობა მოგვიწევს კიდევ, რათა შევასრულოთ DCFTA და ასოცირების ხელშეკრულებები. ამ ხელშეკრულებების ხელმოწერა იყო დასაწყისი იმ ხანგრძლივი გზისა, რომელმაც უნდა მიგვიყვანოს ევროპამდე. აუცილებელია უკეთესი ცხოვრების სტანდარტის შექმნა. შვედეთი და პოლონეთი, როგორც მეგობრები ძალიან დიდი იმედით არიან განმსჭვალული და მოელის დიდ წარმატებებს საქართველოსგან. შეიძლება არის გარკვეეული ადგილები და სფეროები, სადაც უფრო ენერგიული რეფორმების დანახვა გვინდა. მაგალითად, სასამართლო რეფორმები უკვე დაიწყო, გენდერული ბალანსი პოლიტიკური გადაწყვეტილების მიღებაში, მედიის თავისუფლებაში", - განაცხადა მარგოტ ვალმსტრომმა.
