კატალონიაში ათასობით ადამიანმა საზოგადოებრივი მოძრაობის ლიდერების დაკავება გააპროტესტა. ჟორდი კუიშარისა და ჟორდი სანჩესის წინასწარ პატიმრობაში დატოვების გადაწყვეტილება მადრიდის სასამართლომ მიიღო. გარდა ამისა, ესპანეთის საკონსტიტუციო სასამართლომ უკანონოდ ცნო კატალონიის მთავრობის მიერ 6 სექტემბერს მიღებული კანონი, რომლის საფუძველზეც 1 ოქტომბრის რეფერენდუმი ჩატარდა. დამოუკიდებლობის შესახებ გადაწყვეტილების შესაცვლელად ესპანეთის ხელისუფლებამ კატალონიის ლიდერს ვადა 19 ოქტომბრამდე მისცა. წინააღმდეგ შემთხვევაში, მადრიდში აცხადებენ, რომ კატალონიას ავტონომიის სტატუსი გაუუქმდება.