საქართველოს მთავრობის ადმინისტრაციაში აზიური ფაროსანა გამოჩნდა.
რამდნიმე დღის წინ კი დიდი რაოდენობით აზიური ფაროსანა ვაკის პარკში შენიშნეს.
კვლევის შემდეგ სოფლის მეურნეობის სამინისტრომ გამოაქვეყნა დასკვნა, რომ დედაქალაქში გავრცელებული მწერი, ნამდვილად აზიური ფაროსანაა.
სურსათის ეროვნული სააგენტო მოსახლეობას რეკომენდაციებით მიმართავს:
"აზიურ ფაროსანასთან ბრძოლა მოსახლეობის ჩართულობის გარეშე შეუძლებელია!
გამოსაზამთრებლად სახლებში შესული ფაროსანას წინააღმდეგ დაუშვებელია ქიმიური წამლობა. ამიტომ მავნებლის გასანადგურებლად გამოიყენება მექანიკური მეთოდები, რომლებიც ეფექტიანად უზრუნველყოფს ფაროსანას განადგურებას საცხოვრებელ სახლებში.
ჯამში ჩაასხით საპნიანი წყალი ან ჭურჭლის სარეცხი ჟელე და ააქაფეთ. ჯამი დადგით ღამით და დაანათეთ მაგიდის სანათი ისე, რომ ოთახში სხვა განათება არ იყოს. დილით ჯამში უამრავ დამხრჩვალ ფაროსანას აღმოაჩენთ.
არ დაიზაროთ ფაროსანასთან მექანიკური ბრძოლა!
გახსოვდეთ, ერთი ინდივიდის განადგურება ნიშნავს მომავალი სეზონისთვის 200-მდე ახალი მწერის მოსპობას", - ნათქვამია სააგენტოს განცხადებაში.
