წაღვერის ტყეში ისევ ძლიერი დაკვამლიანებაა.
ცეცხლის ქრობით სამუშაოებში 4 ვერტმფრენი იღებს მონაწილეობას. გავრცელებული ინფორმაციით, ქართულ და აზერბაიჯანულ ავიაციას, ცოტა ხნის წინ თურქული ვერტმფრენიც შეუერთდა.
ამასთანავე, ადგილზე მობილიზებულია 600-მდე მეხანძრე-მაშველი და შინაგან საქმეთა სამინისტროს წარმომადგენელები.
შეგახსენებთ, წაღვერის ტყეში, ხანძარი 3 დღის წინ გაჩნდა. პირველადი ინფორმაციით, ცეცხლი მეხის ჩამოვარდნამ გამოიწვია.