"ვიმედოვნებ, მედია ობიექტურად გააშუქებს ყრილობის დეტალებს", - ამის შესახებ პროფკავშირების ამჟამინდელმა თავმჯდომარემ, ირაკლი პეტრიაშვილმა განაცხადა.
პეტრიაშვილის თქმით, დავით ოქიტაშვილის მოწოდება - კანდიდატურა მოხსნას, მისთვის პრიორიტეტს არ წარმოადგენს.
„ჩემთვის ახლა ავტორიტეტს არ წარმოადგენს დავით ოქიტაშვილი და მის რეკომენდაციებს ირაკლი პეტრიაშვილი ყრილობის დელეგატები რომ არ გაითვალისწინებენ, მგონი კამერებმაც დააფიქსირეს. დანარჩენს ყრილობის დროს დააფიქსირებენ ყრილობის წევრები საკუთარ ბიულეტენებზე, რომლის გადაღების საშუალება იქნება. იმედი მაქვს, რომ თავისუფალი ტელევიზიები მიაწვდიან იმ ინფორმაციას, რასაც გადაიღებენ და რაც იქნება რეალობა ამ ყრილობაზე“, - განაცხადა ირაკლი პეტრიაშვილმა.
შეგახსენებთ, დღეს გაერთიანებული პროფკავშირების მე-8 საანგარიშო-საარჩევნო ყრილობა იმართება, რომელზეც გაერთიანების თავმჯდომარე უნდა აირჩიონ.
არჩევნებში სამი კანდიდატი მონაწილეობს: გაერთიანების მოქმედი თავმჯდომარე ირაკლი პეტრიაშვილი, ხელოვნების მუშაკთა პროფკავშირის თავმჯდომარე დავით ოქიტაშვილი და ენერგეტიკის მუშაკთა პროფკავშირის თავმჯდომარე ამირან ზენაიშვილი.
ადგილზე სამართალდამცველთა მობილიზება სავარაუდოდ, კანდიდატებს შორის არსებულ დაპირისპირებას უკავშირდება.
