უახლოეს წუთებში, სტიქიის ადგილზე პრემიერ-მინისტრ გიორგი კვირიკაშვილის ჩასვლას ელოდებიან. რის შემდეგაც, საგანგებოდ შექმნილ შტაბში თათბირი გაიმართება. ადგილზე შეკრებილ ჟურნალისტებს რეგიონული განვითარებისა და ინფრასტრუქტურის მინისტრმა ზურაბ ალავიძემ განუცხადა, რომ მოსახლეობის ევაკუაციის აუცილებლობა არ არსებობს. საჭიროების შემთხვევაში კი, ეს აუცილებლად მოხდება.
ალავიძის განცხადებით, ძლიერი ქარის გამო საშიშროება კვლავ არსებობს, რომ ცეცხლის ახალი კერები გაჩნდეს.
შეგახსენებთ, რომ ბორჯომის ხეობაში, სოფელ დაბის ტერიტორიაზე უკვე 33 საათია ხანძარი მძვინვარებს. ადგილზე 270 მეხანძრე-მაშველი მუშაობს.
