ფინანსთა სამინისტროს საგამოძიებო სამსახურმა GEM Fest-ის დამფუძნებელი გიორგი სიგუა დაკითხვაზე დაიბარა.
როგორც სიგუამ "იმედის" ეთერში განაცხადა, მზადაა უწყებაში გამოცხადდეს და ყველა კითხვას უპასუხოს.
„წესით და რიგით საქართველოში არ უნდა ჩამოვსულიყავი ასე მალე, მაგრამ როგორც კი გავიგე, რომ ფინანსთა სამინისტროს საგამოძიებო სამსახური ასე ძალიან დაინტერესდა „ჯემ ფესტის“ საქმიანობით, ამოიღეს ჩვენი დოკუმენტაცია, წაიღეს კომპიუტერები ოფისიდან და ა.შ. სწორედ იმისთვის, რომ არ ჩათვალოს ვინმემ, თითქოს სადღაც გავიქეცი ან ვიმალები, სასწრაფოდ შევწყვიტე ვიზიტი და ჩამოვედი. ხვალ მივდივარ დაკითხვაზე, ნებისმიერ კითხვას რომ ვუპასუხო“, - განაცხადა სიგუამ, რომელმაც აქვე აღნიშნა, რომ ოფისიდან ყველანაირი დოკუმენტაცია წაიღეს.